ჰოლივუდი

ჰოლივუდი არის უბანი ლოს–ანჯელესში, კალიფორნიის შტატში, ამერიკის შეერთებულ შტატებში, რომელიც მდებარეობს ლოს–ანჯელესის დაუნთაუნის ჩრდილო–დასავლეთში. როგორც კინოსტუდიებისა და ვარსკვლავების ისტორიული ცენტრი, თავისი დიდებული სახელისა და კულტურული იდენტურობის შესაბამისად, სიტყვა „ჰოლივუდი“ ხშირად გამოიყენება, როგორც ამერიკული ფილმებისა და სატელევიზიო ინდუსტრიის სინონიმი. 1853 წელს, ერთი აგურის ქოხი იდგა ადგილზე, რომელიც შემდეგ ჰოლივუდი გახდა. დღეს, კინოს ინდუსტრიის დიდი ნაწილი მიმოფანტული და გაშლილია შემოგარენ ტერიტორიებზე, როგორიცაა ბურბანკი და ლოს–ანჯელეს ვესტსაიდი, მაგრამ სხვა მნიშვნელოვანი დამატებითი ინდუსტრიები, როგორიც არის მონტაჟი, სპეცეფექტები, რეპროდუქტირება და განათება, რჩება ჰოლივუდში. ჰოლივუდის ბევრი ისტორიულ თეატრს იყენებენ სხვადასხვა სახის შეხვედრებისათვის, საკონცერტო სცენებად მნიშვნელოვანი თეატრალური სპექტაკლების პრემიერებისათვის და ასევე არის აკადემიის დაჯილდოებათა ცერემონიალების მასპინძელი. იგი არის პოპულარული დანიშნულების ადგილი ღამის ცხოვრებისათვის და ტურიზმისათვის. ის პოპულარული ტურისტული ღირსშესანიშნაობაა და მასთანაა განლაგებული სახელგანთქმული დიდების ბულვარი. აღსანიშნავია, რომ ის არ ატარებს ქალაქ ლოს–ანჯელესის მსგავს პრაქტიკას დააარსოს სპეციფიკური, განსაკუთრებული საზღვრები სამეზობლო უბნებისთვის, ჰოლივუდი არის თანამედროვე გამონაკლისი. ფეირფაქს ავენიუსა და მელროუზ ავენიუს ჩრდილო–აღმოსავლეთ კუთხეში არის ნიშანი, რომელიც აღნიშნავს შესასვლელს ჰოლივუდში.
ლოს–ანჯელესის კინოაკადემიის უმაღლესი ჯილდო – ოსკარი ითვლება ერთ–ერთ ყველაზე პრესტიჟულად მსოფლიოში. ოსკარების დაჯილდოების პირველი ცერემონიალი ჩატარდა 1929 წლის 16 მაისს სასტუმრო “რუზველტში”, ჰოლივუდში.